Woh Shaks!

Woh ro rahi thi! Hota hai na aesa bhi, jab ap apne ap ko rone par majboor pate hain! Samandar ki lehrein us us k pairon se takrateen aur wapis laut jateen. Kitni mehnat ki thi uss ne, kitne khwab sajaye the. Lekin aj phr woh haar gayi thi. Woh shikast kha chuki thi. Phr ussi shaks se, jo usse hamesha hara diya krta tha. Kitna mushkil tha, apne aap pe qabu pana! Lekin wh to bht kamzor thi, aansu’oun ko rokna uss k bas me nahi tha!
“Ro rahi ho? ” Peeche se awaz ai thi! yaqeenan woh usse dhoondta hua idhr aa phncha tha. Ya phir shayd woh jaanta tha k ye usse yahin mile gi.

“Nahi mein bhala kyun ro’un gi? Mjhe to khush hona chahye!” Bagher peeche mure wh boli.

“Hona to chahye, lekin tum ho nahi.” Wh bola. Lekin uss ne koi jawab na diya!

“Mera nahi khayal k mehez harne par yun darya baha dene chahyen?” Jawab na paa kar wh khud hi dobara bola. Lekin iss dafa iss ke lehje me uktahat numayan thi!

“Jb koi insan dusre se srf zara se farq se haarta hai na, to rona aata hai.” Akhr wh boli, bhar’rai hui awaz me.

“Acha! lekin rone se kya hoga?” Ab wh dheere dheere qadam uthata, uss tak puhunch gaya.

“Kuch bhi nahi!” Nihayat madham awaz me jawab aya. Aur samandar ki maujon k shor ki waja se uss ki awaz goya dab gayi thi. Lekin woh behrhaal samjh gaya tha.

“To phir? Rone ka faida? Tm iss baat pe ro rahi ho, k tmhe shikast ho gayi! Tmhe pata hai shikast kya hoti hai?”

Uss ka sawal bht ajeeb tha. Tab hi uss ne rukh mor kr usse dekha. Lekin woh to bari mehwiat se samandar ko tak raha tha.

“Kya kehna chahte ho?”

“Tm nahi jantee shikast kya hoti hai? Shikast to kamiyabi ki seerhi pr pehla qadam hai. Apni manzil ki taraf pehla qadam hai. Aur jab yh qadam uthta hai, to insaan khush hota hai. Aur tum ro rahi ho? Aik qadam aage barhne pr tm ro rahi ho?”

“Lekin yh teesri dafa hai aur…..”

“Yani k tumhara teesra qadam hai. Aur such to yeh hai k ab tumhari manzil door nahi hai! Asal shikast to tab hogi jab tum haar maan lo gi. Aur mein janta hun k tum aesa kabhi nahi karo gi! Right?” Β Woh apni baat ki taeed chahta tha.

Uss ne sirf ahista se sar hila dya. Goya woh iss ki baat se mutafiq thi. Β Thori der tak khamoshi rahi. Sirf lehron ka shor, aur thori hi dur, ek jashan ka samaa tha. Aur jis k liye wh jashan manaya ja raha tha.. Woh to uss k paas khara, uss ki hosla afzai kar raha tha. Uss jashan me khud wohi shareek na tha. Kitna concern tha na woh iss k mamle me. Shayad woh hamesha se hi aesa tha.

“Zindagi me har cheez itni aasani se nahi milti. Khoob jad-o-jehad krni parti hai. Mehnat darkar hoti hai. Aj mein agar iss maqam pe khara hun to, yaqeenan yh meri mehnat, aur lagan ka nateeja hai. Mein ne bhi shikast khai hai. Lekin mein ne haar nahi mani! Aur mein agar jeet gaya hun to iss ka yeh matlab nahi k mein ne sab kuch paa liya! Hargiz nahi. Mera safar to abhi baqi hai. Mein to abhi beech samandar me hun. Mjhe to abhi sahil pe phnchna hai. Mein hath pr hath rakhe nahi beth sakta!”

Woh jaise sun ho kr uski batein sun rahi thi.

Uff yeh shaks kya cheez hai!! Abhi bhi iss ka dil nahi bhara! Aur ek mein hun, jo dusre number pr aane k bawajood haar manne ko tayar bethi hun! Kitni bewaqoof hun mein! Mujhe to mazeed mehnat krni chahye aur mein….

Iss se aage woh soch hi na saki!

“Mein chalta hun. Mujhe umeed hai k aainda tum aur ziyada mehnat karo gi. Aur apni family aur doston ko mayus nahi karo gi!” Muskara kr kehta hua, woh wahan se chal dya.

Woh shaks hamesha apne lafzon se uss k past hote hue hosle ko phr se bahal kr deta tha. Woh har mushkil waqt me uss ki madad kr dya krta tha. Aur usse pata bhi na chalta.

Woh hamesha hi usse hara dya krta tha.

Woh isse jata hua dekhti rahi. Woh hamesha hi aese, apni baton ka asar uss par chor kr, chal dya kar krta tha. Β Kitna concern tha na woh iss k mamle me. Shayad woh hamesha se hi aesa tha.

Advertisements

Posted on November 11, 2013, in Fiction. Bookmark the permalink. 10 Comments.

  1. Oh my God.
    Bohat bohat bohat awesome. I have NO words waqai. this is beyond awesome. Loved the flow, the picture you gave, it’s so complete! Pure, original, beautiful!

  2. Haye! thankyou.
    Yes, I’ll keep writing, because i’d love to! and thankyou for your admiration and support. πŸ™‚

  3. This is such an amazing piece of art…Really so amazing story I was caught into the depth till end….Completely Love it. Bohat acha likhti hain ap !

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

My Proliferating Thoughts

Some unspoken thoughts that keep rambling in my mind. Some imaginary stories that are raging to get real. Some life lessons that direly need to be revised. Some love of words that needs to spread.

Randomly Abstract

Tread softly because you tread on my dreams.

AMARA AZIZ

On every street in every city in this world, there's a nobody who dreams of being a somebody . Dreaming big!

A mom's blog

β€œA child is God's opinion that the world should go on.”

Twinkling Star (Yasmeen Sana Baloch)

Looking for peace,justice and understanding

White Shadows

Story of a white pearl that turned to ashes while waiting for a pheonix to be born inside her !

Nawabi Musings

Musings of a Nawabi(s).This blog isnt for one particular subject, its an all over the place thing; to make people laugh if we can and voice our thoughts, abt stuff from spirituality to stuff we love to musings abt life, love... Random.

Shams

Dead to the spirit, living a lie.

%d bloggers like this: